Än Alarmalag im Auto, Funktioniert Ganz Famous Nur Goutsie Im Falschä Momänt Im Göppel Innä Lous.
Usgrächnet Imänä Jchaufszänter, Isches Ider Stalder Bertä Passiert. Si Isch Nüd Nur Verschrockä, Si Hätsi Aunu Plamiert.
***
Der Nauer Seppel Isch Ä Guetä Sänger, Im Bennauer Chilächour. Är Isch Au Im Vourstand Sid Einigä Jour.
Im Vourstand Duet Au, Ä Gueti Zämäarbet Zellä, Nur Hät Er Acht Tag Z’früä Ad Vourstandsitzig Wellä.
***
Hät Ächd Öper Diä Falsch Jaggä, Hät’s Reusi Ufsmoul Gseit. Leider Hät Beeler Agnes Mini Vorhär Im Olgi Agleit.
Ufsmoul Schdout S’Olgi Mit Der Falschä Jaggä Wider Dou. S’Reusi Hät Glück Gha, Äs Isch Wider Alles Guet Chou.
***
D’Anita Cha Nüdnur Guet Chochä, Si Beherrscht Au S’bachä. Si Bached Chuechä Und Guezli Und Macht Au Anderi Sachä.
Näbschtum Guet Chochä Duet Si Au Gärn Öpis Feins Ässä. Einzig Bidä Schpätzli Hät Si Ämoul D’Eier Vergässä.
***
Der Edgar, Der Pirmin Und Der Kurt Hend Mitenand Beschlossä, Am Nächschtä Fäldschiesse Wird Ufä Subaru Schtich Gschossä.
Obwol Si Guet Troffä Hend, Isch Nachhär Diä Grouss Entüschig Chou. Nach Der Ranglistä Hendsi, Anschdat Füf Schuss Nur Vier Usäglou.
***
Bim Planä Vom Bahnhouf Biberbrugg, Hätmer Jedes Detail Vermässä Und Doch Hät Nu Pis Gfält, Mär Hät S’WC Vergässä.
Ider Underfüerig, Sou Hätmers Gheurt Brichtä, Hejged Passaschier Müessä S’neutigschti Verrichtä.
***
Vo Der Heuli Bis Biberbrugg Hätmer Ä Nüi H8 Wellä Erichtä. Passiert Isch Leider Nüd Mer Hät Nur Drüber Gheurt Brichtä.
Wo Der Grund Für Diä Verzögerig Liit, Hani Einisch Wüssä Wellä. Schuld Dra Sig Ä Grüenä, Wo Chäferli Und Blüemli Dägi Zellä.
***
Für D’Bennauer Fasnacht Duetmer Der Parkplatz Zwägrichtä. Leider Duets Über Nacht Warmä Und Wider Alles Vernichtä.
Bim Inäfahre Isch Nu Guet Gangä, Aber Usä Sind Nümmä Chou. Au Das Isch Ä Grund Worum Mer Hät Müessä S’Auto Laschtou.
***
Äs Gäbti Ä Gueti Möglichkeit Bim Skilift Näbä Dra. Leider Will Der Grab Martin Mit Dem Garnüd Z’tue Ha.
Parkgebühr Hin Oder Här, Är Chas Eifach Nüd Fassä, Dä Heter Wenigschdens Am Oubig As Bar Frankä Ider Kassä.
***
Im Infoblättli Hend Biberchrouser Iri Uftritt Wellä Bekannt Gää. Am Schluss Hends Nümmä Gwüsst, Wohär Si Diä Datum Alli Müend Nä.
Si Hend Ghirned Und Planed, Mit Härz Und Bluet. Bi Derä Churzä Fasnacht Sou Vill Uftritt Chund Eifach Nöd Guet.
***
Für Diä Bishärige Gescht Isch Der Biberhouf Zuägangä. Anschdat Abbrächä Will Der Bsitzer Dermit Öpis Nüs Afangä.
Är Hät Nödnur Äs Gschikts Händli, Au Guet Verdiänä Würer Gärn. Mer Bringt Asylante Us Allä Himmelsrichtigä Vo Naa Und Färn.
***
Am Gehwäg Bennau – Moos Häts Über Hunder Döggel, Mer Weises Nöd Genau. Als Autofahrer Würdmä Meinä, Ader Hälfti Langetis Sicher Au.
Und Chuntmer Uf Dem Gehwäg Ider Aubachbrugg Immer Neücher Schdelltmer Fescht, Diä Wasserschächt Sind Um Einiges Heücher.
***
Zämä Mitum Hündel Gout Der Walter D’Rindli Go Bsourgä. Im Weidli Obä Füült Är Sich Woul Und Sou Richtig Gebourgä.
Pünktli Wiä Immer Gouter Zmittag Hei Go Ässä. Leider Mues Er Nueinisch Retur. Är Hät Der Hündel Vergässä.